gurhal

गेल्या 10 वर्षातील पिढीबाबत माहिती नाही परंतू त्या आधीच्या अनेक जणांचे बालपण ज्या भारतीय कॉमिक्सनी

समृद्ध केले त्यात अमर चित्रा कथा चा नंबर सर्वात वरचा आहे. भारतीय साहित्य परंपरेतील अतिशय समृद्ध परंपरेची

ओळख या श्रुंखलेने भारतीय मुलांना करून दिली आणि त्यांच्या बालपणाला भारतीय परंपरां, साहित्य, इतिहास, मिथके

यांची केवळ ओळखच करून दिली असे नव्हे तर यांची गोडीही लावली. जगतिकीकरणांनंतर आणि त्यापूर्वीही जेंव्हा

पाश्च्यात्य बालसाहित्य आणि मिथके भारतीय मुलांच्या मनावर मोहिनी घालत होती तेंव्हा यात भारतीय परंपरा कुठे

शोधावी, भारतीय बालसाहित्याची समृद्ध परंपरा नव्या पिढीसमोर कशी ठेवावी याबाबत बहुसंख्य पालक संभ्रमावस्थेत होते

त्यावेळेस हे शिवधंनुष्य पेलले ते अमर चित्र कथेने. जवळपास आता प्रौढ असलेल्या दोन पिढ्यांच्या बालपणीच्या

भाव-विश्वाला या चित्रकथांनी अतिशय समृद्ध करून ठेवल्याची तृप्ततेची भावना या पिढ्यातील अनेक जणांच्या मनात

उजळ आहे. एवढ्या सुंदर रीतीने भारतीय परंपरांची ओळख (त्या कितीही वादग्रस्त आणि मिथकीय असल्या तरी) त्यांना दुसरी कुणीही करून दिली नसेल.

ज्या व्यक्तींनी ही चित्रकथा मालिका सुरू केली त्यापैकी एक अनंत उर्फ अंकल पै यांचे काल निधन झाले. आपण कृतज्ञता म्हणून आज
त्यांना श्रद्धांजली वाहूया. त्यांच्याबद्दल आणखी माहिती आजच्या लोकसत्ता वर्तमानपत्रात आली आहे ती येथे साभार देत आहे.

.... आणि हो... ज्यांनी ही कॉमिक्स वाचली नसेल ते खरेच अभागी आहेत. परंतु ते आताही त्या वाचू शकतात, अगदी तुम्ही कुठल्याही वयाचे असलात तरी .... खरेच.... मीसुद्धा अजूनही त्या कथा वाचतो ... आणि ज्यांनी त्या बालपणी वाचलेल्या असतील त्यांनाही या चित्रकथांचे पुंनर्वाचन स्मरणरंजनाचा (nostalgia) आनंद निश्चितच देईल याची गॅरंटी माझी.


येथे क्लिक केल्यास अमर चित्र कथा ची साईट उघडेल